Mundua -
200 bidaiari baino gehiago
Ferryan zihoazen 120 bidaiariren bila jarraitzen dute Bangladeshen
Bertoko agintarien arabera, baliteke desagertuetako batzuk ertzeraino igeri egiten heldu izana; "ez du esan nahi denak hilda daudenik", esan dute.
Erredakzioa
Bangladeshko erreskate taldeak astelehenean 200 lagun baino gehiagorekin hondoratutako ferryan zihoazen 120 bidaiariaren bila ari dira. Bertoko agintariek baieztatu egin dute bi emakume hil direla, ospitalera eraan eta gero.
Itsasontzia hondoratu zenetik (85 lagunentzako lekua zuen) erreskate taldeek 100 bat bidaiari topatu dituzte bizirik. Ontziak Padma ibaian izan zuen istripua, Daca Bangladeshko hiriburutik 30 bat kilometrora, hego ekialdera.
Agintarien arabera, baliteke desagertuetako batzuk ertzeraino igeri egiten heldu izana. Mohamad Saiful Hasan Badal Munshiganj distrituko bigarren komisarioak gogorarazi duenez, 120 pertsonak aurkitu gabe jarraitzen badute ere, "ez du esan nahi hilik daudenik".
Shajahan Jan Bangladeshko Nabegazio ministroak itsasontziaren jabea atxilotzeko agindua eman du, behar beste baino pertsona gehiago eramateagatik eta beharrezko baimenak izan gabe jarduteagatik.
