Publizitatea
Itxi

2014/08/29

11:29

Mundua

Datu berriak

Foleyri eta beste bahitu batzuei 'bainuontziaren tortura' egin zieten

Erredakzioa

Washington Post egunkariaren arabera, bahiketaren hasieran, 2012ko azaroan, egin zioten tortura mota hau kazetari estatubatuarrari.

  • Estatu Islamikoak zabaldutako bideoaren irudia

    Estatu Islamikoak zabaldutako bideoaren irudia

  • Whatsapp
  • Whatsapp
  • Telegram
  • Bidali

James Foley Estatu Islamikoak, Sirian, burua moztu zion kazetari estatubatuarrari eta, gutxienez, beste hiru bahituri 'bainuontziaren tortura' egin zieten, Washington Post egunkariak gaur kaleratu duenez.

2012ko azaroan bahitu zuten Foley, eta zabaldutako informazioaren arabera, bahiketaren hasieran egin zioten tortura mota hau kazetariari, behin baino gehiagotan. Estatu Islamikoak Sirian dituen bahituen egoera ikertzen ari diren iturriak aipatu ditu Washington Postek informazioa baieztatzeko.

Atxilotuei edota bahituei galdeketetan informazioa lortzeko tortura mota hau erabili izana aitortu zuen CIAk irailaren 11ko atentatuen ondoren. Barack Obamak, Etxe Zurira iritsi orduko, metodo hori erabiltzea debekatu zuen eta gogor gaitzetsi zuen, tortura mota bat zelako.

Oraingoz, Foleyren familiak eta FBIk ez dute informazio hau baieztatu. Estatu Islamikoak bideoa zabaldu zuenetik, AEBko iritzi publikoa Obamari presioa egiten ari da, Siriako jihadisten kontrako estrategia areagotu dezan.

Estatu Islamikoak esan zuenez, AEB Iraken egiten ari den "eraso zuzenen ondorioa" izan da Foleyren hilketa.

  • Hau zure interesekoa bada, baliteke beste gai hauek ere izatea:
  • Siria
  • Bisitatuena

      Kargatzen ikusiena
      Kargatzen ikusiena