Mundua -
Erasoa Nigerian
Gutxienez 10 lagun hil dira Nigerian, eraso suizida batean
Halaber, gutxienez beste 30 pertsona zauritu dira, horietako asko larri, Damaturu hiriko autobus geltokiaren kontra izandako atentatuan.
Erredakzioa
Gutxienez 10 pertsona hil eta 30 zauritu dira, horietako asko larri, Nigeriako Damaturu hiriko autobus geltokiaren kontra izandako eraso suizida batean.
Erasoa inork bere gain hartu ez badu ere, Poliziaren arabera, modus operandia Boko Haram taldeak egindako beste eraso batzuetan erabilitako bera izan da.
Atzo, Boko Harameko ustezko kide batzuk Gombe hiria indarrez hartzen ahalegindu ziren. Dena den, Armadak erasoa bertan behera uztea lortu zuen.
Boko Haramen azken aldiko eraso oldearen ondorioz, Nigeriako presidenteak martxoaren 28ra atzeratu zituen atzorako deituta zeuden hauteskundeak.
