Bi nerabe atxilotu dituzte eraso terroristetarako prestatzeagatik

Erresuma Batuko Poliziak bi nerabe britainiar atxilotu ditu, 14 urteko mutil bat eta 26 urteko neska bat, atentatu terroristak ustez prestatzen laguntzeagatik, Poliziak igande honetan jakinarazi duenez.

Mutila Blackburnekoa da, eta horren hainbat gailu elektroniko aztertu ostean, ostegunean atxilotu egin zuten, "terrorismo ekintza baterako prestatzen ari zen susmoagatik". Neska Manchesterrekoa da, eta ostiralean atxilotu zuten, "ekintza terroristak ustez prestatzen zebilen jarrera erakusteagatik".

Erresuma Batuko Poliziak terrorismoaren aurka abiatutako ikerketaren emaitza dira atxiloketa horiek.

Iaz terrorismoagatik ezarritako alerta bigarren mailara igo zuen Erresuma Batuak, eta Siriara eta Irakera joandako britainiar musulman erradikalen gainean ohartarazi zuen.

Segurtasun indarren arabera, 600 bat britainiar herrialde horietara eta beste batzuetara joan dira milizia islamistekin bat egiteko asmoz. Horietatik erdia gutxi gorabehera itzuli egin da jada.