Mundua -
Bornoko estatuan
Gutxienez 16 lagun hil dira azoka batean izandako atentatuan, Nigerian
Momentuz, inork ez du erasoaren erantzukizuna bere gain hartu, baina atentatua Boko Haram talde islamistak egin duela uste dute agintariek.
AGENTZIAK | ERREDAKZIOA
Gutxienez 16 lagun hil dira Bornoko estatuan (Nigeriako ipar-ekialdean), ganadu-azoka batean bonbekin egindako atentatu baten ondorioz, medikuen eta militarren hainbat iturrik jakinarazi dutenez. Atentatua larunbat arratsaldean jazo da.
Momentuz, inork ez du erasoaren erantzukizuna bere gain hartu baina, ohi den bezala, atentatua Boko Haram talde islamistak egin duela uste dute agintariek.
Hilabetearen hasieran talde horrek mehatxuak bota zizkion Muhammadu Buhari Nigeriako presidente berriari, eta gutxienez 30 lagun hil zituen hainbat erasotan.
Erlazionatutako edukiak
Hau zure interesekoa bada, baliteke beste gai hauek ere izatea