Vatikanoak ez du Aita Santuaren "erasoa" antisemitismoarekin erkatu

Federico Lombardi Vatikanoko bozeramaleak adierazi duenez, "Benedicto XVI.aren kontrako erasoak, abade batzuek haurrei egindako sexu erasoen ondorioz, antisemitismoarekin parekatzea ez dator bat Vatikanoarekin".

Raniero Cantalamessa frantziskotarraren adierazpen polemikoei buruz, Lombardik "gaizki ulertu daitezkeen adierazpenak" direla onartu du.

Iragan ostiralean, Vatikanoko San Pedro basilikan egindako mezan, Cantalamessak lagun judu baten gutuna jaso zuela adierazi zuen. "Bakarkako erruak kolektibo osoari botatzeak antisemitismoaren ezaugarri lotsagarrienak gogorarazten dizkit", zioen gutunak.

Ricardo Di Segni Erromako errabino buruzagiak bere "sinesgaiztasuna" azaldu zuen hitz horiek entzuterakoan.