Estatu Islamikoak bere 'gerra ministroa' hil dela baieztatu du

Estatu Islamikoak gaur baieztatu duenez, Abu Omar al Shishani ISISen 'gerrako ministroa' joan den martxoan hil zen, Shirqat (Irak) hirian izandako liskarretan, Amaq albiste agentziak jakitera eman duenez.

Estatu Batuetako Defentsa Departamentuak martxoan baieztatu zuen Al Shishaniren heriotza. Iturri horren arabera, baina, Sirian hil zen, Shadadi hirian izandako bonbardaketa batean zauritu ondoren.

'Estatu Islamikoa talde terroristako borrokalaririk trebeenetakoa zen', Estatu Batuen arabera. Pentagonoak bost milioi dolarreko saria eskaini zuen, orain urtebete inguru, Al Shishaniren truke.

Georgian jaio zen Al Shishani, 1986an, eta oso gaztea zela bertako Armadan sartu zen. Estatu Islamikora 2014an batu zela uste da. Omar txetxeniarra ezizenez zen ezaguna ISIS taldean.

Estatu Islamikoak bahitutako atzerritarrak kontrolatzeko ardura zuen, Raqqako presondegian.