Mundua -
AEB
Hegaldi komertzialak gaur abiatuko dira berriz Floridako aireportutik
FBIk ez du baztertu erasoa arrazoi terroristak direla eta egin izana.
Agentziak | Erredakzioa
Gaur ipiniko dituzte martxan hegaldi komertzialak Fort Lauderdale-Hollywood Florida hegoaldeko aireportuan, ostiralean izandako tiroketaren ostean. Erasoaren ondorioz, gutxienez bost pertsona hil eta 30 baino gehiago zauritu ziren, Twitter sarean adierazi zutenaren arabera.
Hegazkin txikiak eta korporatiboak gauerdiaz gero abiatu ziren, eta merkataritza-hegaldiak larunbatean hasiko dira martxan.
Esteban Santiago izena duen gizon bat tiroka hasi zen ostiral gauean, Guardia Nazionaleko kidea eta Iraken egondakoa, Poliziaren arabera.
FBIk ez du baztertu erasoak arrazoi terroristak eraginda egin izana. Ustezko erasotzailearen hainbat familiartekoren esanetan, arazo psikologikoak izaten hasi zen Iraketik itzuli zenean. George Piro FBIko bozeramaileak adierazi du bazekitela nor zen, joan den azaroan Alaskako bulego batean azaldu baitzen. Antza denez, Estatu Islamikoak borroka egitera behar zuela esan zuen, CBS telebista-katearen arabera.
