Mundua -
Zuhaitzetatik jausi ziren
400 usapal hilda agertu dira Italian
Inguruan dauden bi lantegiren kutsadurak pozoitu dituzten ikertzen ari dira. Arkansasen 5.000 zozo agertu ziren hilda, Luisianan beste 500 bat txori eta 50 bele inguru Suedian.
Erredakzioa
400dik gora usapal hilik topatu dituzte ezezagunak diren arrazoiengatik zuhaitzetatik behera jausi eta gero, Faenza inguruan, Ravena probintzian (Emilia Romaña), Italiako iparraldean, bertako egunkariek zabaldu dutenez.
Corriere de la Sera egunkariaren arabera, topatutako usapal batzuen hilotzak Lugoko Institutu Zooprofilaktikora bidali dituzte bertan iker ditzaten. Frasnelli medikuaren (ikerketaren zuzendaria da) hitzetan, "azterketa birikoak egiten ari gara" eta "fenomenoa azal lezaketen epidemia eta bestelako birusen inguruan" ikerketak egiten.
Irakasleak adierazi duenez, "ulertzen dut fenomeno batzuen interesa, baina ez dago alarma ezartzerik", inguruan destilategi bat eta produktu kimikoak erabiltzen dituen lantegi bat baitaude; hori dela eta, pozoitu diren ikertuko dute.
Arkansasen ere 5.000tik gora zozo agertu ziren hilda eta Luisianako autobide batean 500 txori inguru, baina adituek esan dutenez, ez dago loturarik bi gertaera horien artean. Halaber, Europan, urtarrilaren 5ean 50 bat bele hilik aurkitu zituzten Suedian, Falkoeping hiritik gertu.