5,2 graduko lurrikara Dominikar Errepublikan eta 5,4 gradukoa Txilen

Antzemateko moduko bi lurrikara izan dira igande honetan Latindar Amerikan. Batetik, Richter eskalan 5,2 graduko lurrikara izan da Dominikar Errepublikan eta 5,4 gradukoa Txilen.

Txileko lurrikara 05:32 aldera sentitu da Antofagastatik 86 kilometrora.

Dominikar Errepublikan ere 05:45 aldera sentitu da lurrikara, Santiago de los Caballerosetik 70 kilometro ipar mendebaldera. Kasualitatez, gaurko egunez duela 15 urte, 2003an, 'Puerto Platako lurrikara' bezala gogoratzen den lur-mugimendua izan zen Dominikar Errepublikan. Bi lagun hil ziren eta 98 zauritu.

Momentuz ez da biktimen inguruko berririk zabaldu, ez kasu batean ez bestean ere.