Mundua -
Brexitaren beldur
Ia 200.000 britainiarrek Irlandako pasaportea eskatu dute
Dokumentu honen bitartez, britainiarrek oztopoak sahiestu nahi dituzte Europar Batasuneko herrialdeetan lan egin edota bidaiatzerako orduan.
AGENTZIAK | ERREDAKZIOA
Irlandako agintariek ziurtatu dutenez, handitu egin da Irlandako pasaportea eskatu duten britainiarren kopurua. Erakunde irlandarraren arabera, 200.000 eskari jaso dituzte urtebetetean Eskozia, Ingalaterra edota Gales aldetik.
Gauzak horrela, 2017an 98.544 eskari jaso zituzten bitartean, aurten dezente areagotu egin dira. Gainera, Iparraldeko Irlandako 84.855 eskari jaso dituzte.
Guztira, 822.581 dokumentu eman ditu Irlandak aurten, Simon Coveney Kanpo Harremanetako ministroak jakinarazi duenez.
Dokumentu honen bitartez, britainiarrek oztopoak sahiestu nahi dituzte Europar Batasuneko herrialdeetan lan egin edota bidaiatzerako orduan.
