Itxi

2020/01/05

17:53

Mundua

Caracas

Venezuelako Poliziak Parlamentuan sartzea eragotzi diola salatu du Guaidok

Agentzia | Erredakzioa

Ganberara sartzeko zain dauden diputatuen artean, Ismael Leon eta Juan Pablo Guanipa. Biei matxinada eta traizio delituak leporatzen dizkiete.

  • Juan Guaido Asanblada Nazionaleko presidentea. Artxiboko argazkia: EFE

    Juan Guaido Asanblada Nazionaleko presidentea. Artxiboko argazkia: EFE

  • Whatsapp
  • Whatsapp
  • Telegram
  • Bidali

Juan Guaido Asanblada Nazionaleko presidentearen hitzetan, Venezuelako Poliziak (PNB) Ganberako egoitzan sartzea eragotzi dio igande honetan. Guaido Parlamentuko presidente berriro izendatu behar zuten gaur.

Ganberara sartzeko zain dauden diputatuen artean, Ismael Leon eta Juan Pablo Guanipa. Biei matxinada eta traizio delituak leporatzen dizkiete.

Era berean, Amazonas estatuko ordezkariei sartzea eragotzi diete, polizien arabera, "kargu publikoan aritzeko debekua" dutelako.

Oposizioko beste kide batzuk eta diputatu chavistak, ostera, arazorik gabe sartu dira Parlamentuan.

"Venezuela aldatzeko gaitasuna duen zuzendaritza batzorde bat berriro izendatzea saihesteko mekanismo guztiak erabiltzen ari dira (…) diktaduraren beste debeku bat", salatu du Guaidok sartzen saiatu ondoren.

Polizia kontrolaren aurrean, jarrera honekin "diktadura beste behin ere agerian" geratu dela ziurtatu du oposizioko buruzagiak. Hala ere, saio parlamentarioa hasi eta egiteko "tokia bilatuko" dutela erantsi du.

Asanblada Nazionalak Parlamentuko zuzendaritza izendatzeko saioa egin behar zuen igande honetan. Guaidok berriro Ganberako presidente izendatzea espero du. Funtsezko rola da Nicolas Maduroren Gobernuaren aurkako borrokan eusteko.

Guaidok Venezuelako behin-behineko presidente kargua bere gain hartu zuen 2019ko urtarrilean. Ia 60 herrialdek erabakia babestu zuten.

Sartzea eragotzi ondoren, PNBko koronel batek Guaidorekin hitz egin du, eta sarrera debekatzeko asmorik ez zutela esan dio, "ordenaz" sartzea bermatu baizik.

"Nahi duguna ordena da", esan dio Poliziaren buruzagiak Guaidori. Bitartean, euren familiak ikusten ari zirela aurpegiratu die oposizioko buruzagiak PNBko funtzionarioei.

Ondoren, poliziek lehen kontrola pasatzen utzi diote Parlamentuko presidenteari, eta diputatuak banan-banan sartzen hasi dira, baina oraindik ez dira denak sartu.

 

 

 

 

  • Bisitatuena

      Kargatzen ikusiena
      Kargatzen ikusiena
    ;