Mundua -
Utoyara bueltatu da
Sarraskiaren 'xehetasun berri asko" eman ditu Breivikek
Norvegiako Partidu Laboristako gazteentzako kanpamentuetan parte hartzen ari zirenei tiro nola egin zien kontatu du Breivikek.
Erredakzioa
Norvegian uztailaren 22an izandako eraso terroristen egilea dela aitortu duenak, Anders Breivikek, 77 pertsona hil ziren sarraskiaren "xehetasun berri asko" eman dizkio poliziari. Utoyara eraman dute irlan gertatu zena berreraikitzeko. Norvegiako Partidu Laboristako gazteentzako kanpamentuetan parte hartzen ari zirenei tiro nola egin zien kontatu du Breivikek.
"Han gertatu zenaren inguruko oroitzapenak piztea lortu dugu!, esan du poliziako fiskalak, Paal-Fredrik Hjort Krabyk, Breivik Utoyan zortzi ordu egon eta gero emandako prentsaurrekoan.
Bisitan, Breivik lasai egon da. "Argi dago susmagarriari ez diola hunkitu Utoyara bueltatu izana, baina ez du inorekin hitz egin izan nahi eta ez du egindako ekintzengatik atsekabe handirik erakutsi", adierazi du Krabyk.
Fiskalak azaldu duen arabera, Breivik oso lasai zegoen eta bidaia iraun duen bitartean eta uztailaren 22tik egin dituen guztira 60 ordu inguruko itaunketan agenteekin egin du lan.
