Dominique Strauss-Kahn eta emaztea Frantzian daude dagoeneko

Nazioarteko Diru Funtseko (NDF) zuzendari ohia, Dominique Strauss-Kahn, Roissyko aireportura (Frantzia) iritsi da igande honetan, 07:00ak aldera, emaztearekin, Anne Sinclairekin. "Segurtasun neurri ikaragarrien artean" heldu da, Le Parisien egunkariak azaldu duenaren arabera.

Strauss-Kahnek emaztearekin, Anne Sinclairekin, utzi zuen New York larunbat honetan; John F. Kennedy aireportuan "inguruan jendetza ikaragarri bat zuela" alde egin zuen, egunkariaren esanetan.

NDFko zuzendari ohia bere herrialdera bueltatu da orain dela hiru hilabete atxilotu zutenetik eta Ameriketako Estatu Batuak ustez New Yorkeko hotel batean zerbitzari bati sexu-erasoa egiteagatik auzipetu ondoren. Azkenik kargu guztiak kendu zizkioten.

Momentu hauetan gertatutakoaren inguruan azalpenak emateko adierazpenen zain dago mundu osoa.