Mundua -

ALEMANIA

Alemanian areagotu egin dira koronabirus kasu berriak, ia 1.500 positibo 24 ordutan

Robert Koch institutuaren datuen arabera, koronabirusen lehen kasua atzeman zenetik kutsatuen kopurua 219.964 pertsonakoa da, eta 9.211 pertsona hil dira.

Gazte bat PCR proba egiten. Argazkia: EFE.
Gazte bat PCR proba egiten. Argazkia: EFE.
Gazte bat PCR proba egiten. Argazkia: EFE.

AGENTZIAK | ERREDAKZIOA

Whatsapp Facebook Twitter Telegram Email

Alemanian goranzko joera izaten jarraitzen du koronabirusarekin kutsatutako kasu berrien kopuruak, azken 24 orduetan 1.445 positibo berri atzeman dira. Beste behin, maiatzetik erregistratutako zifrarik altuena izan da, orduan 1.639 gaixo berri zenbatu baitziren egun batetik bestera.

Robert Koch Institutuak (RKI) gaur gauerdian helarazitako datu eguneratuen arabera, pasa den urtarrilaren 27an lehen koronabirus kasua jakinarazi zenetik 219.964 pertsona kutsatu eta 9.211 pertsona hil dira.

Institutuak “oso kezkagarritzat” jo du gaixotasuna izaten ari den garapena eta egoerak “okerrera egitea” ekidin beharra azpimarratu du. Garbitasun eta distantzia neurriak errespetatu egin behar direla eta beharrezkoa denetan musukoa erabili behar dela gogorarazi du institutuak.

Halaber, erakunde horrek kezka adierazi du azken asteetan koronabirusak zazpi eguneko epean pilatutako eragina handitu egin delako federatutako estatu askotan. Gainera, kutsatze berriak jakinarazi ez dituzten eskualdeen ehunekoak "nabarmen egin du atzera".

Ipar Renania-Westfalia, Hanburgo, Berlin eta Hesseko estatu federatuetan intzidentzia hori nabarmen igo da, eta herrialdeko batez bestekoaren gainetik daude.

Bestalde, erreprodukzio-tasak (R), aurreko lau egunekin alderatuta lau eguneko tartean izandako infekzioen konparazioan oinarritzen dena, eta duela aste eta erdi inguru izandako kutsatzeen bilakaera islatzen duena, 0,97tik 0,88ra egin du atzera, RKIk adierazi duenez.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.

Hau zure interesekoa bada, baliteke beste gai hauek ere izatea
Nazioarteko albisteak Alemania bideoak Gaixotasunak bideoak Eguneko albisteak Albisteak Medikuntza albisteak COVID kasuak