Itxi

2020/12/13

12:27

Mundua

Koronabirusa

Eskolak eta funtsezkoak ez diren jarduerak itxi dituzte Alemanian, urtarrilera arte

Agentziak | Erredakzioa

Alemaniako Gobernuak eta estatu federatuek asteazkenetik aurrera "konfinamendu gogorra" ezartzea adostu dute.

  • Angela Merkel.

    Angela Merkel. Argazkia: EFE

  • Whatsapp
  • Whatsapp
  • Telegram
  • Bidali

Alemaniako Gobernuak eta estatu federatuek asteazkenetik aurrera herrialde osoan "konfinamendu gogorra" ezartzea adostu dute koronabirusaren pandemiari aurre egiteko.

Angela Merkel kantzilerrak eta 16 estatu federatuetako buruek bilera telematiko batean adostu dute azarotik hartutako neurri murriztaileak gogortzeko pausoa ematea.

Abenduaren 16tik aurrera funtsezko jarduerak baino ezingo dira zabalik egon. Eskolek ere ateak itxiko dituzte, beranduenen asteazkenetik aurrera, eta hiru aste eta erdiz luzatuko dituzte Gabonetako oporrak, urtarrilaren 10era arte, eta ez 4ra arte, aurreikusita zegoen bezala.

Bilerak, baita Gabonetakoak ere, bi etxebizitzatako bost pertsonara mugatuko dira (14 urtetik beherakoak kontuan hartu gabe). Gainera, telelana gomendatu dute eta bidaiatzeko debekua mantendu dute.

Olaf Scholz Finantza ministroak iragarri duenez, laster ekonomiari laguntzeko neurri gehigarriak onartuko dira, aurreko murrizketekin batera hartutakoen antzekoak.

Azken 24 orduetan 20.200 kutsatu berri atzeman dira Alemanian eta 321 hildako izan dira, Robert Koch Institutuaren datuen arabera.

Azken zazpiegunetan 140.383 kasu berri izan dira Alemanian, eta metatutako intzidentzia 100.000 biztanleko 169,1koa da.

Guztira, 1.320.716 kutsatu zenbatu ditu Alemanian (biztanleen % 1,5etik gora), eta horietako 21.787 hil dira. Institutuaren arabera, osatutako pertsonen kopurua 967.900 da, eta momentu honetan 330.000 bat daude kutsatuta.

  • Bisitatuena

      Kargatzen ikusiena
      Kargatzen ikusiena
    ;