Publizitatea
Itxi

2021/01/19

08:53

Mundua

KORONABIRUSA

Europatik eta Brasildik AEBra sartzeko debekua altxatu du Trumpek

O. A. | EITB MEDIA

Hala ere, asteazken honetan presidente kargua hartuko duen Joe Biden demokrataren esanetan, ez da murrizketak arintzeko garaia.

  • Donald Trump AEBko presidentea

    Donald Trump AEBko presidentea. Artxiboko argazkia: EFE

  • Whatsapp
  • Whatsapp
  • Telegram
  • Bidali

Donald Trump Ameriketako Estatu Batuetako (AEB) presidenteak altxatu egin du urtarrilaren 26tik aurrera Europar Batasunetik, Erresuma Batutik eta Brasildik herrialdera sartzeko debekua. Hala ere, hilaren 20an kargua hartuko duen Joe Biden AEBko presidente hautatuak erabakia atzera botatzeko asmoa agertu du. 

Data horretatik aurrera, covid-19aren proban negatibo ematea eskatuko zaie nazioarteko bidaiariei, baita estatubatuarrei ere. Horrela iragarri du AEBko Gaixotasunen Kontrolerako eta Prebentziorako Zentroak (CDC).

Europar Batasuneko eta Erresuma Batuko bidaiariei martxoan ezarri zien sartzeko debekua eta Brasilekoei, ostera, maiatzean. 

Trumpek asteazkenean utziko du Etxe Zuria, hain zuzen ere, Joe Biden presidente hautatuak kargua hartzen duenean. Gauzak horrela, litekeena da agintari demokratak debekua berriro ezartzea.

Hain zuzen ere, Joe Biden demokrataren taldeak azpimarratu duenez, ez da murrizketak arintzeko garaia. Are gehiago, nazioarteko bidaien inguruko neurriak gogortzearen alde agertu da.

  • Bisitatuena

      Kargatzen ikusiena
      Kargatzen ikusiena