Itxi

2021/05/01

19:34

Mundua

HIRU PROTESTA EGUN

Kolonbiako presidenteak zerga erreformarako plan berria iragarri du, protesten ostean

EITB MEDIA | AGENTZIAK

Ostiralean manifestazioak egin zituzten Kolonbiako hainbat hiritan, hirugarren egunez, eta gutxienez hildako bat eta hainbat zauritu izan ziren. Hedabide batzuek zazpi hildako ere aipatzen dituzte.

  • Gizon bat zartagi bat jotzen Calin, protesta batean.

    Gizon bat zartagi bat jotzen Calin, protesta batean. Argazkia: EFE

  • Whatsapp
  • Whatsapp
  • Telegram
  • Bidali

Ivan Duque Kolonbiako presidenteak zerga erreformarako lege proiektuaren testu berri bat sortuko dutela iragarri du, Gobernuaren hasierako proposamenaren aurka manifestazio jendetsuak izan ostean. "Ogasun Ministerioari agindu argia eman diot, legegintza-izapidearen barruan Kongresuarekin batera testu berri bat egiteko, alderdiek, erakunde zibilek eta sektore pribatuak aurkeztu dituzten proposamen baliotsuez elikatuz, adostasuna lortzeko", adierazi du Duquek prentsaurreko batean.

El Espectador egunkariak jakitera eman duenez, herritarrek "inolako kezkarik ez izatea eta lasaitasuna eta ziurtasuna" nagusitzea espero du Gobernuak.

"Dokumentu berrian zerbitzu publikoei ez zaie BEZik jarriko, ezta gasolinari ere; gaur dauden joko arauak ez dira aldatuko", esan du.

Errentaren gaineko zergari dagokionez, "gaur egun errenta zerga ordaintzen ez dutenek ez dute ordainduko, hau da, ez da oinarria handituko", zehaztu du.

Manifestazio handiak izan ziren ostiralean

Berriz ere manifestazio handiak egin zituzten Kolonbiako hainbat hiritan ostiralean, eta gutxienez hildako bat eta hainbat zauritu izan ziren Poliziarekin izandako liskarretan.

Radio Caracolek jaso duenez, Jorge Ivan Ospina Caliko alkateak baieztatu du pertsona bat hil dela suzko armaz, eta beste batzuk zauritu direla. Beste komunikabide batzuek zazpi pertsona hil direla esan dute.

Calin istilu larriak izan dira hainbat egunez, eta, horren ondorioz, hainbat Gobernuz Kanpoko Erakundek hainbat manifestarien heriotza salatu dute eta Poliziaren jarrera salatu.

Bestalde, Twitterrek Alvaro Uribe presidente ohiak protesten aurka egindako argitalpen bat ezabatu du, sare sozialaren arauen kontra egiteagatik. "Txio honek indarkeria loriatzearen inguruko gure politikak urratzen ditu", adierazi du Twitterreko segurtasun kontu ofizialak.

  • Bisitatuena

      Kargatzen ikusiena
      Kargatzen ikusiena
    ;