Publizitatea
Itxi

2021/07/01

21:17

Mundua

Zergak

Enpresa handiei gutxienez % 15eko sozietate-zerga ezartzea adostu dute 130 herrialdek

Agentziak | EITB Media

Akordioak bi "oinarri" nagusi ditu, multinazional handiek haien jarduerak gauzatzen dituzten herrialde guztietan zergak ordain ditzaten, toki horietan egoitza sozialak izan ala ez.

  • Mathias Cormann, ELGAko idazkari nagusia. Artxiboko argazkia: @MathiasCormann

    Mathias Cormann, ELGAko idazkari nagusia. Artxiboko argazkia: @MathiasCormann

  • Whatsapp
  • Whatsapp
  • Bidali

Munduko 130 herrialdek eta jurisdikziok akordio bat lortu dute nazioarteko fiskalitateari buruz, eta, horrek, dispositibo bikoitza ezartzen du enpresa handien kargak banatzeko, bereziki sektore digitalari dagokionez, eta, gutxienez, % 15eko tasa sozietateen gaineko zergaren kasuan.

Ekonomia-Lankidetza eta Garapenerako Erakundearen baitan bilduta dauden 139 herrialdeetatik bederatzi bakarrik geratu dira akordiotik kanpo, vaina espero da horietako batzuk urtea amaitu aurretik batzea. Hain zuzen ere, Barbadosek, Estoniak, Hungariak, Irlandak, Kenyak, Nigeriak, Peruk, Sri Lankak eta San Vicentek ez dute bat egin nahi izan oraingoz.

Akordioak bi "oinarri" nagusi ditu, konpainia handiek haien jarduerak gauzatzen dituzten herrialde guztietan zergak ordain ditzaten, toki horietan egoitza sozialak izan ala ez. Hori, zerga-kargen mekanismo estandar batekin eta lortutako dirua banatzeko gailu baten bidez lortu nahi dute.

Mathias Cormann Ekonomia Lankidetza eta Garapenerako Antolakundeko idazkari nagusiak azpimarratu duenez, "urteetan lanean eta negoziazioetan aritu ondoren, neurri-sorta historiko honek bermatuko du enpresa multinazional handiek beren bidezko ekarpena ordaintzea mundu osoan".

Akordio horrek ez du herrialdeen arteko lehia fiskalarekin amaitu nahi, alde anitzeko arauen bidez "mugatu" nahi du, eta "alde guztien interesak hartzen ditu kontuan, ekonomia txikienak eta garapen bidean dauden herrialdeenak barne".

Bruno Le Maire Frantziako Finantza ministroak, berriz, azpimarratu du konpromisoa "irtenbide pragmatikoa" dela, eta "talde digital handi guztiak, salbuespenik gabe", dispositibo fiskal berriaren menpe egongo direla, negozioa duten toki guztietan "bidezko ekarpena" ordaintzeko.

Frantziako Finantza ministroak azaldu duenez, bere herrialdeak urtean 5.000 eta 10.000 milioi euro artean jasotzea espero du.

Ekonomia-Lankidetza eta Garapenerako Erakundearen iritziz, plan hori aparteko laguntza bat da "aurrekontuak eta finantza publikoak berrezartzeko beharrezkoak diren diru-sarrera fiskalak mobilizatu behar dituzten herrialdeentzat, eta, aldi berean, oinarrizko zerbitzu publikoetan, azpiegituretan eta beharrezko neurrietan inbertitu behar duten herrialdeentzat".

Hurrengo urratsa, datorren astean, G20ko Finantza ministroen bilera izango da (herrialde kide guztiak akordioa lortu duten 130 sinatzaileen artean daude), eta, bertan, akordioa berretsi beharko dute.

  • Bisitatuena

      Kargatzen ikusiena
      Kargatzen ikusiena
    ;