Itxi

2021/11/23

11:38

Mundua

Koronabirusa

Suitzak hirugarren dosia jarriko die 16 urtetik gorako herritarrei

Agentziak | EITB MEDIA

Horrez gain, arrisku taldekoak diren 12-16 urteko pertsonei ere emango diete errefortzuzko dosia.

  • Osasun langile bat txertoa jartzen.

    Osasun langile bat txertoa jartzen. Argazkia: EFE

  • Whatsapp
  • Whatsapp
  • Telegram
  • Bidali

Suitzako osasun agintariek gaur erabaki dutenez, 16 urtetik gorako herritarrei covid-19aren kontrako hirugarren dosia jarriko diete. Duela hilabete 65 urte baino gehiagokoak hirugarrenez ziztatzea ebatzi zuten, baina orain pauso bat gehiago eman dute.

Horrez gain, arrisku taldekoak diren 12-16 urteko pertsonei ere (adibidez, immunoeskasia dutenak) emango diete errefortzuzko dosia, Swissmedic erakundeak kaleratutako agiri ofizialean zehaztu duenez.

Osasun erakundeak Pfizer/BioNTechen txertoa bakarrik aipatu du oraingoz, orain arte Modernaren eta Janssenenak ere erabili dituzten arren.

Inguruko herrialdeetan bezala, kasuek gora egin dute azken asteetan Suitzan. Dena dela, ez dira Alemania edo Austria bezain larri. 

Aipatzekoa da Munduko Osasun Erakundearen (MOE) gomendioaren kontra hartu duela erabakia Suitzako erakundeak. Izan ere, txertaketa maila handiko herrialdeei hirugarren dosia atzeratzeko aholkatu zien MOEk, garapen bidean dauden herrialdeetako inokulazio kanpaina bultzatze aldera.

  • Bisitatuena

      Kargatzen ikusiena
      Kargatzen ikusiena
    ;