Mundua -
New Yorken
Hainbat lagun atxilotu dituzte 'Occupy Wall Street'en urteurrenean
Sei hilabete igaro dira egungo sistema ekonomikoaren aurkako mugimendu hau jaio zenetik eta New Yorken data hau ospatzen zeuden hamar bat 'sumindu' atxilotu ditu Poliziak.
Erredakzioa
Hainbat bat lagun atxilotu dituzte bart 'Occupy Wall Street' mugimenduaren jaiotzaren urtemuga New Yorken ospatzen zeuden topaketa batean, tokiko komunikabideek jakitera eman dutenez. Manifestariak bildutako Zuccotti Parkean aurkeztu da Polizia eta bertan zeuden hainbat lagun atxilotu ditu, "The New York Times" kazetak zabaldu duenez. Ondoren, parke honen sarrerak itxi dituzte.
Poliziak manifestariak banan-banan atxilotzen zuen bitartean, 'suminduak' "ez dugu beldurrik" leloak ari ziren abesten. Zonaldean bildutakoak sakabanatu ostean, Poliziak hesi metalikoak jarri ditu parkearen inguruan, sarrera galarazteko asmoz. Dirudienez, emakume batek zauriak jaso zituen eta anbulatzia batek ospitalera eraman zuen.
Egungo sistema ekonomikoaren aurka protestatzeko jaio zen 'Occupy Wall Street' mugimendua igaro den irailaren 17an. Ondoren, AEBetako beste hainbat hiritara zabaldu ziren protestak.
