Mundua -

koronabirusa

Austrian derrigorrezkoa izango da txertatzea, 18 urtetik gorako pertsonentzat

Europar Batasuneko lehen herrialdea da horrelako neurri bat ezartzen. Derrigorrezko txertaketa otsailaren 1etik aurrera ezartzea aurreikusi du Austriako Gobernuak. Txertatu gabekoek 600 eta 3.600 euro arteko isunak ordaindu beharko dituzte martxoaren 15etik aurrera.

Covid-19aren aurkako txertoa. Argazkia: EITB Media
Covid-19aren aurkako txertoa. Argazkia: EITB Media
Covid-19aren aurkako txertoa. Argazkia: EITB Media

agentziak | eitb media

Whatsapp Facebook Twitter Telegram Email

Austriako Gobernuak proiektu berria aurkeztu du igande honetan, 18 urtetik gorako pertsonentzat derrigorrezko txertaketa ezartzeko. Neurri berria otsailaren 1etik aurrera sartuko litzateke indarrean, eta Europar Batasuneko lehen herrialdea izango litzateke antzeko neurri bat ezartzen.

Datorren ostegunerako deitu dute bozketa eta, behin neurria onartuta, kontrolak egingo dituzte kale eta errepideetan, herritarrak txertatuta dauden egiaztatzeko. Horretarako, dagoeneko existitzen den Txertaketa Erregistro Nazionala baliatuko dute.

Testuaren berritasun nagusia da 14 urtetik 18ra igotzen duela derrigorrezko txertaketarako adina. Edonola ere, salbuespenak aurreikusten ditu; haurdun dauden emakumeak edo osasun arrazoiak medio txertatu ezin diren pertsonak, besteak beste. Era berean, positibo eman eta gaixotasuna gainditu dutenei sei hilabete luzatuko zaie epea.

Lehenengo faserako, otsailaren 1etik martxoaren 15ra bitartean, neurriak ez du zigorrik aurreikusten txertatu gabekoentzat. Ordutik aurrera, 600 eta 3.600 euro bitarteko isunak ipini ahal izango dituzte.

Hau zure interesekoa bada, baliteke beste gai hauek ere izatea
Nazioarteko albisteak Europa Prentsa digitalaren azken orduko Gaurko azken orduko albistea Txertoak egutegia Austria albisteak COVID kasuak