Mundua -

zientzia

Txinak estazio meteorologiko bat jarriko du Everest gailurrean

8.000 metroko altitudearekin, munduko estazio meteorologiko automatiko altuena izango da.

Everest mendia. Artxiboko argazkia: EFE
Everest mendia. Artxiboko argazkia: EFE
Everest mendia. Artxiboko argazkia: EFE

agentziak | eitb media

Whatsapp Facebook Twitter Telegram Email

Txinatar espedizio zientifiko batek Everestera bidaia egingo du, Nepal pareko mugan, gailurrean lehen estazio meteorologiko automatikoa instalatzeko.

Espedizioan zehar, zortzi estazio meteorologiko jarriko dituzte guztira, eta horietako lau 7.000 metrora egongo dira, itsas mailaren gainetik. 8.800 metroko altitudearekin (gailurrak 8.849 metro ditu), munduko estazio meteorologikorik altuena izango da arrakastaz ezarriz gero, Xinhua agentziaren arabera.

270 ikertzailek Qimghai-Tibet goi-lautadara egingo duten misio zientifikoaren parte da espedizioa. Besteak beste, mendebaldeko haizeen eta montzoien arteko sinergia, Asiako ur-dorreen aldaketa, ekosistemak eta aniztasuna, eta Qomolangma (hala esaten diote txinatarrek Everest mendiari) mendi inguruko giza jarduerak izango ditu ardatz.

Gainera, espedizio taldeak bestelako ikerketak ere egingo ditu; inguruneak jasandako aldaketei buruzkoak, berotegi efektuko gasen kontzentrazioaren aldaketei buruzkoak, ekosistemaren karbono-sarbegi funtzioei buruzkoak eta Qomolangma mendiko altitude handieneko inguruneetan giza egokitzapenari buruzkoak, berotze globalaren testuinguruan.

Espedizioak Qomolangma aldeko giro atmosferikoko eta kriosferako aldaketei buruzko datu zientifikoak lortzea du helburu, eta krisi klimatikoaren testuinguruan mendiko gune altuenetako giro aldaketaren legeak ezagutaraztea.

2017an abiatu zuten Qinghai-Tibet goi-lautadarako bigarren espedizio zientifikoa. Garrantzi handikoa da eskualdean garapen jasangarri baterantz aurrera egiteko eta mundu mailako ingurunearen babesa sustatzeko.

Hau zure interesekoa bada, baliteke beste gai hauek ere izatea
Egungo munduko albisteak Txina argazkiak Eguraldia Eguneko albisteak Gaurko azken ordukoa Zientzia Zientziaren hedapena Asia azken ordukoa