Gutxienez 65 lagun hil, 170 zauritu eta hamabi desagertu dira Txinan, lurrikara baten ondorioz

Gutxienez 65 lagun hil dira, beste 170 zauritu, eta hamabi desagertu astelehen honetan Txinako hego-mendebaldean, Sichuan probintzian, lurrikara baten ondorioz, asteartean agintariek baieztatu dutenez. Ganziko Prefektura Autonomo Tibetarrak izan ditu kalterik larrienak, iturri horrek berak jakitera eman duenez.

Tokiko agintariek zehaztu dute gutxienez 37 lagun hil direla Sichuango lurralde horretan. Shimian konderrian 28 pertsona hil dira, Yaan hirian. Desagertutako eta zauritutako pertsonak Ganzin zenbatu dituzte.

Egoera aztertuta, Txinako Estatu Kontseiluak lantaldea bidali du Sichuanera, erreskate-lanak eta laguntza-lanak koordinatzeko; horrez gain, lurrikaren aurreko larrialdi-maila igo du, 2. mailara, alegia, bigarren altuena.

Xi Jinping Txinako presidenteak agindu du beharrezko erreskate-ahaleginak egitea hildakoen kopuruak gora ez dezan egin; halaber, aldeztu du lurrikararen erreplikak gainbegiratzea, lurrikarak eragindako natura-hondamendien aurrean babestea, eta kaltetuei ostatu ematea.