Mundua -

Erresuma Batua

Britainia Handiko lehen ministroak toryen presidentea kargutik kendu du bere arazo fiskalengatik

Nadhim Zahawi Alderdi Kontserbadoreko presidenteak duela egun batzuk onartu zuen isuna ordaindu ziola Erresuma Batuko Ogasunari, zergen ordainketan akats bat antzeman ostean. 4,8 milioi libera ordaindu zituen guztira.

Rishi Sunak lehen ministroa, artxiboko irudian. Argazkia: EFE
Rishi Sunak lehen ministroa, artxiboko irudian. Argazkia: EFE
Rishi Sunak lehen ministroa, artxiboko irudian. Argazkia: EFE

Agentziak | EITB MEDIA

Whatsapp Facebook Twitter Telegram Email

Rishi Sunak Erresuma Batuko lehen ministroak kargutik kendu du Nadhim Zahawi Alderdi Kontserbadoreko presidente eta karterarik gabeko ministroa, bere deklarazio fiskalaren inguruko eskandaluaren harira ministerioen jokabide onaren "kodea" urratzeagatik.

Zahawiren inguruko eskandalua duela egun batzuk piztu zen, Britainia Handiko Ogasunari (HMRC, ingelesezko siglak) isuna ordaindu ziola onartu zuenean, zergen ordainketan akats bat antzeman ondoren.

"The Guardian" egunkariak duela egun batzuk jakitera eman zuenez, Zahawik Ogasunarekin adostu zuen zor bat % 30eko errekarguarekin kitatzea, eta, beraz, guztira 4,8 milioi libera (5,47 milioi euro) ordaindu zituen.

Zahawiren arabera, iaz Ekonomia ministro izan zena, errekargua 2000. urtean sortu zuen YouGov demoskopiarekin lotuta zegoen.

Hau zure interesekoa bada, baliteke beste gai hauek ere izatea
Nazioartea Erresuma Batua Alderdi politikoak Eguneko albisteak Albisteak Isunak Zerga politika Sunak lehen ministroari buruzko albisteak