Mundua -

POLONIA

Gizon batek emakume bat hil eta hainbat haur zauritu ditu Poloniako umezurtz-etxe baten aurkako erasoan

19 urteko ustezko erasotzailea atxilotu dute. Zauritutako haurrak hainbat osasun-zentrotara eraman dituzte, baina horien bizia ez dago arriskuan, Fiskaltzaren arabera.

AGENTZIAK | EITB Media

Whatsapp Facebook Twitter Telegram Email

Poloniako umezurztegi batean labanaz egindako erasoan, gutxienez emakumezko nerabe bat hil eta hainbat haur zauritu dituzte, bertako agintariek zabaldutako informazioaren arabera. Hildakoak 16 urte ditu.

Poliziak azaldu duenez, ustezko erasotzailea, 19 urteko gizonezko bat, atxilotu, eta bakartu egin dute.

Zaurituak hainbat osasun-zentrotara eraman dituzte. Dena dela, horien bizia ez dagoela arriskuan adierazi du Sieradzeko Fiskaltzaren bozeramaileak.

Agintariek baieztatu dutenez, erasoa gertatu denean, 13 pertsona zeuden umezurtz-etxean, Tomislavice herrian. Ikerketa abiatu dute erasoa zerk eragin duen argitzeko. 

Hau zure interesekoa bada, baliteke beste gai hauek ere izatea
Nazioarteko berriak Gaurko titularrak Gaurko azken ordukoa Umeak azken ordukoa Krimenak azken ordukoa Zer gertatu da gaur Varsovian?