Mundua -
Iskanbila
Georgiako lehen ministroak dimisioa eman du, torturen auziak behartuta
"Herritar gisa erabat harrituta nago Gldani espetxean izandako krimenengatik", adierazi du ministroak Barne Ministerioko webgunean ateratako idatzian.
Erredakzioa
Bacho Ajalaya Georgiako Barne ministroak dimisioa eman du, zenbait presori egindako torturak erakusten dituzten irudiak asteazkenean zabaldu eta sortutako eskandaluagatik.
"Urtebete da espetxe sistema zuzentzen ez dudala, baina ekintza beldurgarri horiek onartu behar izan ez lituzketen hainbat buru nire buruzagitzapean hasi ziren lanean", adierazi du Ajalayak kargua uzteko erabakiaren harira.
Ajalayaren kargu uztea oposizioak eta Tiflieko kaleetan ostegunetik protesta egiten ari diren herritarrek eskatu zuten. Barne ministroak honako hau esan du: "Arrazoi honegatik, erantzukizun morala eta politikoa dut, horregatik joan nintzen presidentearengana dimisio eskaerarekin".
"Georgiako herritar gisa erabat asaldatuta nago Gldani espetxean izandako krimenengatik", adierazi du ministroak Barne Ministerioko webgunean ateratako idatzian.
Espetxe ministroa
Mijail Saakashvili Georgiano presidenteak Gueorgui Tugushi Arartekoari Espetxe ministroaren kargua eman dio torturen iskanbilaren ondorioz. Torturen bideoak protesta ugari eragin ditu urriaren 1eko hauteskundeen atarian.
