UPyDk argi ikusi ditu 'plan subiranistaren eta murrizketen zantzuak'

Urkullu lehendakariaren urte bukaerako mezuak "ezer zehaztu" ez duela adierazi du Gorka Maneiro UPyDko Eusko Legebiltzarreko ordezkariak. "Argi utzi duen gauza bakarra plan subiranista mantendu eta murrizketa sozialak egingo dituela da", nabarmendu du Maneirok.

Komunikabideen aurrean eginiko adierazpenetan, Eusko Jaurlaritzako aurrekontuak lortzeko negoziaketetan hasteko eskatu dio Maneirok Urkulluri. Horrez gain, "pena eman beharrean esperantzarako mezua" igortzeko eskatu dio.

"Euskadi nazio bezala hazi behar dela aipatzeak argi uzten du Urkulluk arinago edo beranduago egitasmoren bat martxan jarriko duela", adierazi du Maneirok. "Zentzugabekeria handia da, Euskadik batera egoteko eta Europar Batasunaren eta Espainiaren parte izateko beharra baitu", gaineratu du.