Politika -
Izendapenak
Malentxo Arruabarrena, Arkautiko akademiako zuzendari berria
Hezkuntza eta Gazteria arloetan aritu izan da lanean, administrazio publiko ezberdinetan
Erredakzioa
Malentxo Arruabarrena Julian izendatu dute Polizia eta Larrialdietako Euskal Akademiako zuzendari berri. Aurrerantzean, beraz, Elena Moreno ordezkatuko du kargu horretan.
Malentxo Arruabarrena Irunen jaio zen orain 53 urte, baina Gasteizen bizi da aspalditik.
Bere ibilbide profesionalean, administrazio publiko ezberdinetan aritu izan da, Hezkuntza eta Gazteria arloetan.
Irakasle eskolan diplomatua, Gipuzkoan hasi zuen irakasle gisa ibilbide profesionala, eta, ondoren, Gazteria arloko zuzendari lanetan aritu zen Eusko Jaurlaritzako Hezkuntza Sailean.
2003ko hauteskundeen ondoren, Gasteizko zinegotzi izendatu zuten, eta bertan aritu zen 2010ean Arabako Foru Aldundiko Kultura, Euskara eta Kirol Saileko diputatu hautatu zuten arte.
2011tik, Arabako Biltzar Nagusietako prokuradore da.
