Politika -
Bi urte geroago
Nazioaren Eztabaida otsailaren 20an eta 21ean izango da
Saenz de Santamariak azaldu duenez, PPk Gobernuan gutxi gora behera urtebete egiten duenean izango da eztabaida, eta Kongresuko presidenteari erabakia jakinarazi diola gaineratu du.
Erredakzioa
Nazioaren Eztabaida otsailaren 20an eta 21ean izango da, azkena izan eta bi urte geroago, Soraya Saenz de Santamaria Gobernuko presidenteordeak jakitera eman duenez, Senatuko korridoreetan.
Saenz de Santamariak esan duenez, PPk Gobernuan gutxi gora behera urtebete egiten duenean izango da eztabaida, eta Jesus Posada Kongresuko presidenteari eta talde parlamentarioei erabakia jakinarazi diela gaineratu du.
Politika orokorreko eztabaida ez deitzea erabaki zuen iaz Gobernuak, Gobernuko presidente bat inbestidurako urtean inoiz ez zela Kongresuan eztabaida mota horretan sartu esanez.
Erabaki horrek kritikak eragin zituen oposizioko alderdien aldetik, haiek Rajoy Parlamentura azalpenak ez ematera joatea deitoratu zuten, murrizketa sozialen eta erreforma sakonen urtean, hain zuzen ere.
