Rubalcabak akordio nazionala nahi du, 'egoera larriari aurre egiteko'

Alfredo Perez Rubalcaba PSOEko idazkari nagusiak Estatu mailako akordio politiko eta sozial bat egitea proposatu du langabeziari aurre egiteko. Akordio horrek epe labur eta ertainera begira pentsatutako neurriak bildukolituzke, Espainia "larrialdi sozial handian" dagoelako.

Rubalcabak igande honetan bertan bidaliko dio proposamena Mariano Rajoy Gobernuko presidenteari, gainontzeko alderdi politikoei, sindikatuei eta enpresariei. Proposamena, Rubalcabaren esanetan, hausnarketa sakon eta luze baten ondorioa da.

Sozialisten liderrak proposamena aurkeztu du Ferrazeko egoitzan, titulua: "Hazkundea, enplegua eta lehiakortasuna, elkarrizketaren eta adostasun politiko eta sozialaren testuinguruan. Langabezi handiari aurre egiteko proposamenak"

"Elkarrizketa zintzoa eta argia hasi nahi dugu, herriak bizi duen egoera dramatikoa ikusita", esan du Rubalcabak. Oposizioburua, gainera, ziur da sozialisten proposamena "krisia gainditzeko modurik bidezkoena dela".

Lan merkatuaren "okerragotzea"

PSOEren analisiaren arabera, lan emrkatuak "okerrera egin du nabarmen", ia 6 milioi pertsona lanik gabe daudelako, kaleratzeen kopuruak gora egin duelako (kaleratze kolektiboak % 55 igo dira), ia lau milioi langile negoziazio kolektibotik kanpo geratu dira eta lan gatazkek ere gora egin dutelako.

Halaber, ia ni milioi langabe inolako diru laguntzarik gabe daudela ere esan du, eta egoera hori 80 krisian sortutakoa baino larriagoa da.