ETAko hiru kolaboratzaile absolbitu dituzte prozesuko akatsengatik

Auzitegi Nazionalak ETAko hiru kolaboratzaile absolbitu ditu kalte terroristak eta lehergaiak izatea delituetatik, 2002ko gertakari batzuekin lotuta; izan ere, horietako bi epaitu behar izan ez zituzten, aldez aurretik auzia artxibatu zutelako, eta hirugarrenari DNA proba abokaturik gabe egin zioten.

Gaur argitaratutako epaian, Zumbeltz Larrea eta Agustin del Hierro akusatuen aurkako ahozko epaiketa zabaldu behar izan ez zutela erabaki du Auzitegi Nazionalak, 2003an auzia artxibatu zutelako. Epaiketa otsailaren 11n hasi zuten.

Adur Aristegi hirugarren akusatuak DNA proba egiteko baimena eman zuen, baina "bere abokatua ez zen proban izan, ezta baimena eman zuen unean ere", dio sententziak. Goreneko doktrinaren arabera, "listu laginak hartzeko orduan abokatua aurrean egotea" beharrezkoa da, gogorarazi du Auzitegi Nazionalak.

Larrea eta Del Hierro ETAko Bizkaia taldeari laguntzeagatik zigorra betetzen ari dira. Aristegi talde bereko kolaboratzailea Frantzian atxilotu zuten, 2010ean, Jon Rosales ETAko ustezko kidearekin batera.