Politika -
Soldata bikoitzak
Aznarrek ukatu egin du presidente zenean gainsoldatak jaso zituela
Espainiako Gobernuaren presidente ohiak gezurtatu egin du, beraz, 'El Pais'ek argitaratutakoa, eta egunkariaren kontrako salaketa iragarri du.
Erredakzioa
Jose Maria Aznar Espainiako Gobernuaren presidente ohiak ukatu egin du Espainiako presidente kargua hartu ondoren PPrengandik gainsoldatak jaso zituela, 'El Pais' egunkariak argitaratutakoa gezurtatze aldera. Gainera, egunkari espainiarraren kontra salaketa jarriko duela iragarri du.
'El Pais'en arabera, PPk 16.755 euroko gainsoldatak ordaindu zizkion Jose Maria Aznarri "ordezkari lanak egiteagatik" Espainiako Gobernuko presidente zenean, 1996an, eta agintari publikoei bi soldata kobratzea debekatzen dien legea indarrean zela.
Aznarrek gezurtatu egin du "erabat" argitaratutakoa, eta, 1996ko maiatzaren 6tik aurrera, presidente kargua hartu zuenetik alegia, ez zuela PPren aldetik gainsoldatarik jaso azpimarratu du.
