Politika -
Kartzelara bisita
Egigurenek Otegi bisitatu du kartzelan
Batasuneko bozeramaile ohiaren Twitterreko kontu ofizialak iragarri duenez, Egiguren Logroñoko kartzelara joan zen atzo, osteguna, Otegiri bisita egitera.
Erredakzioa
Jesus Egiguren PSE-EEko presidenteak Arnaldo Otegi bisitatu zuen atzo, ostegunarekin, Logroñoko kartzelan, Batasunako bozeramaile ohiaren Twitter kontu ofizialak iragarri duenaren arabera.
Otegi 2010etik dago kartzelan, eta sei urte eta erdiko zigorra bete behar du. Izan ere, Auzitegi Gorenak frogatutzat eman zuen Batasuna berriz osatzen saiatu zela, ETAk hala aginduta, Bateragune izeneko talde baten bitartez. Hori dela eta, errudun jo zuten, erakunde terroristako kide izatea egotzita.
Arnaldo Otegik helegitea aurkeztu zuen, Rafa Diez LABeko idazkari nagusi ohiak eta Bateragune auziko beste hiru kondenatuekin batera, baina Auzitegi Konstituzionalak horiek kartzelan mantentzea erabaki du, haien babes-errekurtsoak ebatzi arte.
Gernika sariak
Jesus Eguiguren PSE-EEko presidenteak eta Arnaldo Otegi ezker abertzaleko buruzagiak Bakearen eta Adiskidetzearen IX. saria jaso zuten, bakea eraikitzeko egindako ekarpenengatik.
Jose Maria Gorroño (Bildu) Gernikako alkateak esan zuenez, "helburu komuna bilatzeko akordioa bideratu zuten biek, nahiz eta ideologikoki urrun izan".
