Ernaiko bozeramailea inputatu dute, terrorismoaren goratzea egotzita

Auzitegi Nazionalak Irati Sienra Ernaiko bozeramailea inputatu du, Gazte Danbadako ekitaldi batean Xabier Lopez Peña 'Thierry'ren heriotzaren inguruan esandakoagatik.

Auzitegi horrek terrorismoaren goraipamena leporatu dio Sienrari, topatu.info webguneak jakitera eman duenez.

Halaber, 'Thierry'ren heriotza salatzeko Ernaik zabaldutako irudiengatik gazte antolakunde horren webgunearen itxiera agindu zuten maiatzean.