Javier Atutxa EAJren buru historikoa zendu da

Javier Atutxa EAJren buru historikoa zendu da. Itxaso Atutxa BBBko egungo presidentearen aita gaur hil da, 07:00etan, gaixoaldi luze baten ondoren.

Atutxa BBBko presidentea izan zen 1996tik 2000ra.

Atutxa Getxon jaio zen eta 75 urte zituen.

Javier Atutxaren hileta elizkizuna bihar izango da Areatzako San Bartolome elizan, 19:00tan. Familiak hil-kapera pribatua izatea eta Sabin Etxean omenaldirik ez antolatzea erabaki du.

Datozen hiru egunetan, Sabin Etxeko ikurrina haga erdian jarriko dute, dolu-seinale moduan.

'Erreferentea izan zen'

Iñigo Urkullu lehendakariaren hitzetan, “zintzotasuna, zuzentasuna, leialtasuna eta prestutasuna” izan dira Atutxaren balio nagusiak.

Gogoratu duenez, Urkulluk eta Atutxak lanordu eta ardura asko elkarbanatu dituzte. “Ideia eta herri batekiko konpromisoak Atutxa definitzen dute”.

Radio Euskadin, Andoni Ortuzar EAJko presidenteak esan du bere “zantzua” alderdian utzi duen “politikari argia” zela. Atutxaren heriotzak “oinazea eta mina” utzi duela nabarmendu du.” Alderdiaren zatiketaren ondoren eta Euskadiren estatus berria negoziatu behar izan genuenean BBBko presidentea izan zen, alderdiarentzat oso konplexuak izan ziren bi agintaldietan”.

Koldo Mediavilla EAJko Harreman Instituzionaletako arduradunak esan du Atutxaren heriotzarekin “euskal abertzaletasunaren erreferente bat” galtzen dela eta BBBren zuzendaritzan egin zuen lana goraipatu du.

“Presidente zuzena, ausarta eta metodikoa izan zen, eta Atutxari esker, gauden tokian gaude, zuzen eta fidagarri”.

Bestalde, Iñaki Anasagasti EAJko senatariak adierazi du EAJrentzat, eta Bizkaiarentzat, “kolpe handia” suposatu duela Atutxaren heriotzak. “Ez zen edonor izan, EAJren eta euskal politikagintzaren garai zailenetan erreferentea izan zen Atutxa”