Politika -
Uribetxebarria auzia
Uribetxebarria ANko medikuek aztertu behar dute, epailearen arabera
Castrok hala ebatzi du autoan Uribetxebarriaren abokatuak aurkeztutako helegitea. Abokatuak uko egin zion ETAko kidea Auzitegi Nazionaleko auzitegiko bi medikuak aztertzeari.
Erredakzioa
Jose Luis Castro Auzitegi Nazionaleko epaileak Josu Uribetxebarria ETAko kideari auzitegiko medikuek aztertu behar diotela errepikatu dio, minbiziaren bilakaerari buruzko txosten berria egiteko. Baldintzapean aske geratu izanak horretara behartzen du gaixoa.
Castrok hala ebatzi du autoan Uribetxebarriaren abokatuak aurkeztutako helegitea. Abokatuak uko egin zion ETAko kidea Auzitegi Nazionaleko auzitegiko bi medikuak aztertzeari, txosten berri horretarako.
Abokatuak ez zion kontra egin ETAko kidearen gaixotasunari buruzko ebaluazioa historial klinikoarekin egiteari, horiek, helegitearen arabera, "objektiboak direlako".
Helegitea ez onartzean, baldintzapeko askatasuna emateko autoan ezarritako jokaerak azaldu ditu epaileak. Besteak beste, "tratamendu medikoaren bilakaerari buruzko edozein barri jakinarazteko obligazioa".
"Epaileak ez du kontsulta medikoen ezagutza eta baimena bakarrik izan behar, zigortuaren osasun egoeraren berri izan behar du, horretarako behar diren txosten guztiak eskatuz", nabarmendu du.
