Politika -
Polemika
Baztango alkateek mehatxuen beste karta bat jaso dute ikurrinengatik
Nafarroako Nazionalisten Taldeak heriotza-mehatxuak egin dizkie oraingo honetan ere, eta ikurrinak kendu eta Espainiako banderak jartzeko azken eguna abuztuaren 26a dela iragarri die.
Erredakzioa
Baztango Udalak Nafarroako Nazionalisten Taldeak heriotza-mehatxuak errepikatzen dituen beste karta bat jaso du, eta abuztuaren 26an jarri du ikurrinak kendu eta Espainiako banderak jartzeko epea.
Garbiñe Elizegi Baztango alkateak eta Mikel Sobrino Elizondokoak heriotza-mehatxuak jaso zituzten uztailaren 19an zigilatutako karta batean. Nafarroako Nazionalisten Taldeak "heriotza-mehatxuak" egin zizkien kaletik ikurrinak kentzen ez eta Espainiako bandera jartzen ez bazuten.
Bi Udalek Udaltzaingoaren aurrean salatu zutenez, "Euskal presoak Euskal Herrira" leloa duten banderak kentzea ere eskatu zieten.
Gaur Baztango Udalak bigarren karta jaso du, talde beraren aldetik, eta mehatxuak errepikatu egiten dira. Haiek inposatutako baldintzak bete ezean, "abuztuaren 26tik aurrera heriotza-mehatxuak gauzatzeko agindua" dutela nabarmendu dute.
