Politika -
Izapidea
Kongresuak Gardentasun Legea onartu du
PP, CiU eta EAJ alderdiek aldeko botoa eman dute. PSOEk, Ezker Anitzak (IU, ICV-EUiA, CHA), UPyDk eta talde mistoak (Amaiur, ERC, BNG, Compromís y Geroa Bai), berriz, legearen kontra egin dute.
Erredakzioa
Diputatuen Kongresuak Gardentasunaren Legea onartu du gaur. Gobernuak urtebete darama adituen aholkuak biltzen eta Kongresuko taldeekin negoziatzen. Hala ere, ez du lortu hasieran zuen helburua gauzatzea: Legeak talde guztien oniritzia jasotzea. PSOEk legearen kontrako botoa eman du.
Birsorkuntza demokratikoaren aurtengo legegintzaldiko lege "kutuna" onartu egin da PP, CiU eta EAJren botoekin. PSOEk, Ezker Anitzak (IU, ICV-EUiA, CHA), UPyDk eta talde mistoak (Amaiur, ERC, BNG, Compromís y Geroa Bai), berriz, legearen kontra egingo dute.
Helburu hirukoitza
Gardentasun, Informazio Publikorako Sarbide eta Gobernu Onaren Legeak helburu hirukoitza du: jarduera publikoan gardentasun maila handiagoa izatea dakar administrazio eta erakunde publiko guztien ekintzen publizitatea derrigortuta, informazioa eskura izateko eskubidea aintzat hartu eta bermatu egiten du eta arduradun publikoek gobernu jarduera ona egiteko beharrezkoak diren ekimenak ezartzen ditu, baita ekimen horiek ez betetzeak dituen ondorio judizialak ere.
Gaurko bozketaren ondoren, izapideak Senatuan jarraipena izango du, eta Senatuen aldaketarik egiten ez bada, behin betiko onartuta geratuko da. Aldaketak eginez gero, Legea Kongresura bueltatuko da.
