Generalitateak elkarrizketa onartzen du, baina ez galdeketa atzeratzea

Francesc Homs Governeko bozeramaileak adierazi duenez, Kataluniaren galdeketa bat egiteko oztopoa ez da esparru legala, baizik eta borondate politikoa.

Mariano Rajoy Espainiako Gobernuko presidentearen eskutitza jaso ondoren egindako prentsaurreko batean, Homsek elkarrizketarako proposamena aztertuko dutela esan du, "aintzat" hartzen duelako, baina ez du "inozoarena" egingo galdeketaren prozesua luzatzen uzten.

Governek "Cameronen moduko" erantzun bat espero zuen -Londresek bai onartzen duelako Eskozian galdeketa bat egitea- baina galdeketarekin konpromisoa hartuta jarraitzen du; hori dela eta, datozen egunotan Parlament-eko taldeekin harremanetan jarriko da 2014ean egiteko oinarriak zehazteko, eta hori irailaren 25eko Politika Orokorraren Debatean ikus dadin.

Homsek nabarmendu duenaren arabera, ez dituzte "beharrezkoak ez diren atzerapenak" onartuko, burujabetzaren aldeko prozesuan, eta baieztatu du Rajoyk Artur Masi emandako erantzuna ez da Kataluniako presidenteak eskutitza idazkerako orduan zuen helburua, ezta azken hilabeteetan izandako elkarrizketenak ere, eta ez dago Kataluniako herriak Diadaren egunean erakutsitako "mailan".

Halere, Homsen hitzetan, Rajoyk galdeketa egitearen kontra dagoela argi esan ez duenez, Governek "elkarrizketarekiko konpromisoa" aintzat hartuko du, baina egutegian data atzeratu gabe. 2014ean egite espero dute.