Politika -
Herriaren aurkako operazioa
Herrirako azken bi atxilotuak aske geratu dira
Arratsaldean manifestazioan amaitu den kontzentrazioa egin dute Iruñean atxiloketen aurka.
Erredakzioa
Herriraren aurkako operazioan atxilotutako 18 lagunak aske daude. Azken bi atxilotuak arratsaldean atera dira Soto del Real espetxetik fidantza ordainduta. Iruñean, berriz, manifestazioan amaitu den kontzentrazioa egin dute arratsaldean atxiloketen aurka.
Jose Manuel Ugartemendia eta Jesus Mari Aldunberri arratsaldeko zortzi eta erdietan atera dira Soto del Realetik Eloy Velasco epaileak ezarritako 20.000 euroko fidantza ordaindu ondoren. Kalean dira operazioan atxilotutako 18 lagunak.
Manifestazioa Iruñean
Bestalde, atxiloketen aurkako manifestazioa egin dute arratsaldean Iruñean. Ehunka lagunek parte hartu dute bertan.
Sortu, EA, Aralar, Bildu, ELA, LAB-ESK, EHNE eta Hiruk egin dute deialdia.
Manifestazioa Iruñean. Argazkia: EFE
