Politika -
Ustezko irregulartasunak
CAMeko Zuzendaritzako 5 kide ohi atxilotu dituzte epaileak aginduta
Atxilotuen artean, Roberto Lopez Abad CAMeko zuzendari nagusi ohia dago. Auzitegi Nazionalean deklaratu beharko dute bihar, Gomez Bermudez epailearen aurrean.
Erredakzioa
Javier Gomez Bermudez Auzitegi Nazionaleko epaileak CAMeko Zuzendaritzako bost kide ohi (besteak beste, Roberto Lopez Abad zuzendari nagusi ohia) atxilotzeko agindua eman du, Valentziako aurrezki kutxaren kudeaketaren inguruan ustezko irregulartasunak argitzeko ikerketaren baitan.
Auzitegiko iturrien arabera, Guardia Zibilak atxilotutakoen artean, Daniel Gil entitatearen enpresen zuzendari ohia ere badago, eta Auzitegi Nazionaleko Instrukzio Epaitegi Zentraleko Gomez Bermudez epailearen aurrean deklaratuko dute bihar denek.
Gomez Bermudezek, halaber, Valentzian eta Alacanten bi abokaturen bulegoak eta Mallorcan bulego bat miatzeko agindua eman du, aipatutako iturrien arabera.
