Politika -
Mobilizazio isila Bilbon
Eusko Jaurlaritza ez da larunbateko manifestazioan izango
Deialdiaren aurrean erabateko "errespetua" azaldu du Gasteizko exekutiboak, nahiz eta Jaurlaritzako ordezkaritzarik ez bidali.
Erredakzioa
EAJk, Sortuk, Aralarrek, EAk, Alternatibak, Geroa Baik, ELAk eta LABek deitutako manifestazio isilean parte hartuko ez duela iragarri du gaur Eusko Jaurlaritzak, Exekutiboko iturriek jakitera eman dutenez.
Presoak Euskadira hurbiltzearen eta espetxe politika malguago baten alde Jaurlaritzak duen jarrera "ezaguna" dela azaldu dute iturriek. Horregatik, deialdiaren aurrean erabateko "errespetua" agertu dute, nahiz eta Jaurlaritzako ordezkaritzarik ez bidali.
Manifestazioaren leloa "Giza eskubideak. Konponbideak. Bakea" izango da. Mobilizazioa Casillatik abiatuko da 18:00etan.
