Politika -
Martxoaren 3an
EH Bilduk batzar ekonomikoan ez parte hartzeko esan dio Jaurlaritzari
Gobernu zentralak hiriburu bizkaitarrean antolatutako nazioarteko goi-bileran lehendakaria egotea espero da, eta, koalizioaren iritzian, hori "ulertezina da".
Erredakzioa
EH Bildu Legebiltzarreko taldeak Gobernu zentralak Bilbon martxoaren 3rako antolatutako nazioarteko goi-bilera ekonomikoan ez parte hartzeko eskatu dio Eusko Jaurlaritzari, Iñigo Urkullu lehendakaria bertan egotea espero baita.
Koalizioaren iritzian, "ulertezina" da Jaurlaritza foroetan "eskubideen lapurren ondoan" egotea, eta kalean "enpresa munduko elitearen biktimekin, murrizketak zuzenean pairatzen dituztenekin" egoteko eskatu dio.
Legebiltzarrean egindako prentsaurreko batean, Belen Arrondo eta Oskar Matute legebiltzarkideek Bilbon martxoaren 3an egitekoa den nazioarteko goi-bileraren inguruko mozio bat aurkeztu dute.
Aurreko ostiralean, Legebiltzarrean, lehendakariaren parte-hartzearekin "ados ez" daudela adierazi ondoren, batzar horren helburua kritikatu dute, "Espainia marka saltzea duelako helburu; EAJk marka hori Euskadirentzat oztopo dela esan du".
Hori dela eta, ohartarazi duenez, Guggenheimen barruan, "eurek sortutako krisialditik etekinak ateratzen ari direnak egongo dira, eta kanpoan, enpresa munduko elitearen biktimak, murrizketak, bizi-kalitatearen okertzea eta langabezia datu handiak zuzenean pairatzen dituztenak". "Adiskidetu ezinezko bi errealitate dira, eta Bilbon aurrez aurre egongo dira", gaineratu dute.
