11 urteko zigorra Olga Comesi zinegotzi bat bahitzen saiatzeagatik

Olga Comes Arambillet ETAko Askatasun Haizea taldeko partaideari 11 urteko kartzela-zigorra ezarri diote, Benjamin Atutxa Eibarko PSEko zinegotzia bahitzen saiatzeagatik. Horretarako, lasaigarriak lortu zituzten eta zulo bat egin zuten mendian.

Auzitegi Nazionaleko lehen sailak zortzi urteko kartzela-zigorra ezarri dio Comesi lehergailuak izateagatik eta beste hiru bahiketa terrorista egiteko konspiratzeagatik. 2007 eta 2008 urte bitartean gertatu ziren epaitutako jazoerak.

Bahiketa burutzeko, epaiaren arabera, taldeak 18 lasaigarri eman zizkion eta mendian zulo bat egitea pentsatu zuten.

Taldeak xiringak eta lasaigarriak zituen Errioxako Pazuengos udalerrian egindako zulo batean. Bertan, 125 lehergailu kilo atzeman zituzten, munizio askorekin, lehergarriarekin eta tenporizadoreekin.

Akusatuak bi etxebizitza alokatu zituen, bat Logroñon eta bestea Santo Domingo de la Calzadan (Errioxan). Azken hori omen zen lehergailuen biltegia.

Iragan hilabeteko 11an izan zen epaiketa eta taldearentzat bi etxebizitza alokatu zituela aitortu zuen, baina ez omen zekien jarraipenak egiten zirela ezta PSEko zinegotzia bahitzeko informazioa biltzen ari zirela ere.

Arkaitz Goikoetxeak ere epaiketan parte hartu zuen eta Comesek esan bezala, adierazi zuen akusatuak azpiegituraz arduratzen zela eta bi etxebizitza alokatu zituela, baina ez zuela akzioetan parte hartzen, ezta zaintzetan ere.