Politika -
Krisia Nafarroan
Kontuzek Goicoechearen aurka aurkeztutako salaketa onartu du Gorenak
Auzitegi Gorena "Nafarroako Ogasunaren arduradun nagusiaren inguruan dauden legezkotasun zalantzak argitzeko" prest dagoela ikusta pozik agertu du Kontuz elkartea.
Erredakzioa
Kontuz! erabiltzaile, kontsumitzaile eta zergapekoen elkarteak Lourdes Goicoechea Nafarroako Gobernuko lehen presidenteorde eta Ekonomia, Ogasun, Industria eta Enplegu kontseilariaren aurka aurkeztutako salaketa tramitera onartu du Auzitegi Gorenak, eta Fiskaltzari igorri dio.
Konkretuki, prebarikazioa, influentzia-trafikoa eta funtzionario publikoek zabaldu behar ez diren sekretu edo informazioak zabaltzea egotzita jarritako salaketa onartu du, elkarteak berak jakitera eman duenez.
ELA sindikatuak beste salaketa bat aurkeztu zuen atzo Goicoechearen kontra. Esku-sartzeak eta isilpeko dokumentazioa lortzeko saiakerak leporatu zizkion Idoia Nieves Nafarroako Ogasunaren zuzendari ohiak kontseilariari Parlamentuan.
Hauteskundeen aurrerapena
Nafarroako Parlamentuak martxan jarritako ikerketa batzordeak esku-sartzeak egon direla frogatzen baldin badu, hauteskundeak aurreratzeko aukerak indarra hartuko du.
Auzitegi Gorena "Nafarroako Ogasunaren arduradun nagusiaren inguruan dauden legezkotasun zalantzak argitzeko" prest dagoela ikusita pozik agertu du agiri baten bidez Kontuz! elkartea.
