Politika -
Madrilen
Suarezen aldeko Estatu hiletara joango dira gaur Urkullu eta Barcina
Madrilgo Almudena katedralean egingo da elizkizuna, 19:00etan. Joan den igandean, martxoaren 23an, hil zen Suarez, Trantsizioko presidentea.
Erredakzioa
Iñigo Urkullu lehendakaria eta Yolanda Barcina Nafarroako presidentea Adolfo Suarez Espainiako Gobernuko presidente izandakoaren aldeko Estatu hiletara joango dira astelehen honetan, Madrilera. Almudena katedralean izango da elizkizuna, arratsaldeko 19:00etan.
Martxoaren 23an hil zen Adolfo Suarez, Francoren diktadura ondorengo Espainiako lehendabiziko presidentea. 81 urte zituela zendu zen, gaixotasun baten ondorioz.
Suarezen hil-kapera Diputatuen Kongresuan, Madrilen, jarri zuten pasa den astelehenean. Milaka herritar eta agintari ugari pasatu ziren bertatik, presidente izandakoari azken agurra ematera. Hurrengo egunean, martxoaren 25ean, Avilako katedralean lurperatu zuten Suarezen gorpua, Amparo Illana emaztearen alboan.
