Areso: 'Ibone Bengoetxea Bilboko alkate bikaina izango litzateke'

Bilboko Alkatetzarako EAJren hautagaia Ibone Bengoetxea izan beharko litzatekeela adierazi du gaur Ibon Areso alkateak, Radio Euskadiri eskainitako elkarrizketan.

Hautagaia aukeratzea EAJri dagokiola gogorarazi du Aresok, baina Ibone Bengoetxearen ibilbidea goratu du.

"Pertsona zoragarria da, gaztea, emakumea, eta Bilbon ez dugu inoiz emakumezko alkaterik izan. Nire ustez alkate bikaina izango litzateke", erantzun du, hautagai egokiena nor izango litzatekeen galdetu diotenean.

Aresoren esanetan, EAJk ez ditu "nahierara" hautatzen hautagaiak, eta, beraz, barne prozesuak beteko dituzte hurrengo alkategaia erabakitzeko. "Ez nuen susmatzen hurrengo egunean hilko zela. Bi ordu baino gehiago izan ginen hizketan. Burua argia zuen, eta hitz egiteko gogoz zegoen", esan du Azkunarekin eman zituen azken orduak gogora ekarrita. Bilboko alkate berriaren esanetan, Azkunak "lasaitasunez eta segurtasunez" egin zion aurre gaixotasunari.  "Ni ez naiz Iñaki Azkuna, ez dut horren nortasuna, eta ez dut imitatuko, akatsa izango litzateke", adierazi du.