Politika -
EAEko Auzitegi Nagusia
Igeldoren desanexioa etenda uztea erabaki du
Itxas Aurre elkarteak eta Gipuzkoako Aldundiak aurkeztutako helegiteak atzera bota ditu EAEko Auzitegi Nagusiak.
Erredakzioa
Donostiako Igeldo auzoaren desanexioari behin-behinean baliorik gabe eusteko erabakia hartu du Euskal Autonomi Erkidegoko Auzitegi Nagusiak.
Itxas Aurre elkarteak eta Gipuzkoako Aldundiak aurkeztutako helegiteak atzera bota ditu EAEko Auzitegi Nagusiak. Biek otsailaren 12ko ebazpen judiziala atzera botatzea eskatu zuten. Ebazpenean desanexioa baliorik gabe utzi zuen EAEko Auzitegi Nagusiak.
Donostiako Udalari arrazoia eman dio aretoak. Horrela, foru dekretua baliorik gabe mantentzea erabaki du auzitegiak; ondorioz, Donostiako auzo bat izaten jarraituko du Igeldok. Oposizioko taldeek bultzatuta Udala prozeduran parte hartzen ari da.
Bilduren foru Gobernuak Igeldoko desanexioa aldarrikatu zuen iaz. Orain dekretua bertan behera uztea edo indarrean jartzea erabaki beharko du EAEko Auzitegi Nagusiak.
