Frantzia eta Espainia, terrorismoaren aurkako lankidetza indartuz

Jorge Fernández Diaz Espainiako Barne ministroak eta Bernard Cazeneuve Frantziako homologoak terrorismoaren eta immigrazio irregularraren aurkako borrokan lankidetza indartzeko konpromisoa hartu dute astelehen honetan.

Fernandez Diazen eta Cazeneuveren arteko lehen bileran, ETAren aurkako lankidetza operatiboaren eta informazio trukearen kalitatea nabarmendu dute biek. Halaber, terrorismo "jihadista" dela eta, kezka adierazi dute, elkarrizketaren ostean zabaldutako ohar baten arabera.

Agenda arrazoien ondorioz bertan behera utzitako prentsaurrekoa ordezkatu duen oharrean, Europan terrorismo jihadistari aurre egiteko elkarlana indartu beharra nabarmendu dute.